歐陽震華(Bobby)、陳瀅(Jeannie)、賴慰玲(Winki)、楊卓娜及張國強等,昨日出席《伙記辦大事》宣傳活動。
前日母親節,已為人母的Winki表示與兒子和丈夫過得很高興:「噚日同個仔一齊過母親節,最興奮係佢識同啲契媽媽們講『母親節快樂』,我覺得佢好懂事,長大咗。」問兒子送了甚麼禮物給她,Winki續說:「學校教佢做咗一個心形鑰匙扣,然後寫住I Love You,我問佢知唔知道點解,佢就話唔知道。(是否很開心?)都開心㗎,其實一家人健健康康就得啦。」
問到Jeannie母親節怎樣度過,她表示:「媽咪響加拿大,所以只係訂咗一束花,因為我好急趕,最後一刻先訂,媽咪今日先收到,遲咗一天,不過佢應該會原諒我。(有沒有被媽媽催促結婚?)佢冇催我結婚,不過就催我呢個月零用錢。」