《兄弟幫》下月大結局 阿Bob︰有啲突然嘅消息

林盛斌(Bob)、梁競徽、陳國峰、范振鋒及王梓軒今日為無綫節目《兄弟幫》錄影，同時推出蛋糕宣布節目將於明年一月三日播出最後一集後便正式完結。眾人對於節目大結局感到不捨，阿Bob表示節目做了十年共拍了逾2500集，算是完成歷史任務，他說：「識到班好兄弟，節目又令好多觀眾認識我，同帶俾我好多工作，好感恩。」

及後阿Bob在網上寫道︰「呢個消息，係有d突然嘅。完成咗一個長達三千六百五十日嘅旅程，陪伴咗好多 J2 觀眾無數嘅晚上。今日，係《兄弟幫》最後一日嘅錄影，感謝所有為節目付出過嘅幕後同事，感謝所有上過呢個節目嘅嘉賓，感謝幾位情比金堅嘅好兄弟 。最後，要感謝節目監製 - Kent哥，因為你，先有呢一切一切！天下無不散之筵席，《兄弟幫》，再見。」