樓市故事｜多相！恐防業主心軟唔賣 買家誠意打動 601萬購新葵芳花園靚裝兩房
二手樓市氣氛向好，買家入市步伐加快。中原地產葵涌高級資深分區營業經理許偉業表示，新葵芳花園新近錄得一宗兩房單位成交，造價創今年新高。
許偉業指，新葵芳花園D座中層08室，實用面積418方呎，原業主早於2018年放售單位，開價720萬元，惟不准睇樓，放盤態度不算積極。去年11月樓市大回落時，屋苑曾出現一個高層同類單位以498萬元成交，一度嚴重打擊信心，叫價降至630萬元，但仍然不准睇樓。鑑於近日氣氛轉好，才開始開放予準買家睇樓。
買家最終追價6萬元入手
由於單位屬精裝裝修，非常容易被買家還價，業主屬「價硬、心軟」，降價至610萬元後，近日終有客人洽商，心儀有裝修兼坐向東南單位，早前曾有意同屋苑其他座數單位，可惜被捷足先登，是次為免業主心軟改變主意，於是「幾夜都等」，業主深感誠意十足，於是買家即睇即還價，第一口價595萬元失敗，最後追價6萬元，至601萬元成交。
原業主於2015年7月以500萬買入單位，現轉手帳面獲利101萬元，單位期內升值約20%。