由鄧麗欣（Stephy）主演的電視劇《男排女將》即將在 ViuTV 播映，今次劇集主題曲《著地》找來黃貫中（Paul）作曲及擔任歌曲監製，而Stephy除了負責唱之外，更為新歌填詞，這亦是她相隔7年後再次執筆填詞。
Stephy表示首次與Paul合作非常緊張︰「好驚俾佢Ban我啲詞。中間我哋都有溝通過首歌要點唱，過程中我都好驚自己用詞不當，唔識用音樂語言同佢溝通。」她亦笑言︰「因為冇錢搵填詞人，幫公司慳返筆錢，哈哈。」
Stephy今次憑歌寄意，借排球鼓勵大家不要放棄︰「排球成日有一句說話係『球不著地，永不放棄』，所以副歌都有講到千祈唔好俾個波跌落地，就算跌咗都唔緊要，喺邊到跌低就喺邊個企返起身。」
談到首次合作，Paul表示Stephy表現專業，錄音進度比原定預計時間更快完成：「證明掂先會早收工，Stephy比我想像中好好多，我冇必要擦鞋，真說話嚟，佢好舒服地錄晒成首歌，冇需要逐句逐句錄。」