鄧麗欣北上宣傳《飯戲攻心2》 冇向粉絲揮手被指黑面耍大牌
港產賀歲喜劇《飯戲攻心2》（內地譯名《還是覺得你最好2》）由鄧麗欣（Stephy）、林明禎、張繼聰、王菀之、陳湛文等人主演，雖然續集冇黃子華坐鎮，不過票房走勢依然強勁。
日前導演及一班劇中演員現身內地為電影進行宣傳，期間有粉絲喺停車場見到Stephy，不過Stephy冇同佢揮手，之後除咗該網民就話要脫粉之外，有內地網民仲鬧爆佢黑面耍大牌。
疑車內聽唔到粉絲歡呼聲
喺影片中，鄧麗欣乘坐保母車到達停車場，佢就落車整理衣服，之後就轉身離開，期間Stephy並沒有太多笑容，而且冇同粉絲揮手，結果就被指黑面，再惹嚟耍大牌之嫌，令內地粉絲不滿，該網民仲話「脫粉了招呼也不打一個的」。
影片曝光後，有網民認為喺影片中聽唔到有粉絲嘅歡呼聲，所以猜測冇粉絲喺停車場守候，而佢亦冇為意有粉絲在場，所以先至冇打招呼，唔存在有冇禮貌嘅問題，事件純屬一場誤會。
原文刊登於 Yahoo 娛樂圈
