荷里活型男尊尼特普(Johnny Depp)自從爆出對前妻Amber Heard家暴後，形象愈來愈差。佢嘅兩位貼身保鑣近日更大爆呢位前老闆臭史。據英國《每日郵報》報道，Miguel和Eugene兩位尊尼嘅貼身保鑣指控尊尼係「黑心老闆」，喺2007年開始做尊尼保鑣嘅Eugene，指每日為尊尼工作超過12小時，除咗冇「加班費」之外，又要照顧佢一對子女，更幫尊尼兼任司機運載違法(毒品)物品。尊尼每次到夜店吸毒，又要幫佢把風，有次佢吸(毒)到神智不清，嘴邊滿佈白色粉末，要立即幫佢用手清潔。
Miguel和Eugene頂唔順呢位「黑心老闆」最後辭職，並入稟法院向尊尼索償工資。尊尼方面對指控暫時未有回應。