為電影首映擔任司儀現不俗，梁家琪表現獲安德尊讚賞。
梁家琪(Khaki)日前首次擔任電影《無間一戰》慈善首映會的大會司儀，並獲安德尊指導。雖然她覺得第一次挑戰大騷總有改善空間，但已獲安德尊讚賞表現出眾，Khaki說：「好彩有大王(安德尊)照顧我，佢好細心教我點樣讀司儀稿，喺邊個位要重音，幾時又要輕音，有大王喺身邊真係放心好多 !」Khaki好重視今次司儀工作，事前做足準備將司儀稿讀熟，只不過始終是第一次，自問有不少改善空間，希望下一次做得更好。
梁家琪與安德尊甚為合拍。
母親與黃曉明相熟
Khaki表示，多得安德尊細心指導司儀稿的重音輕音，才能順利完成任務。她又透露，自己在北京進修了一個月的表演課程，學習到不少演技方面的知識，由於其母與黃曉明相熟，她在北京更特別前往欣賞由對方監製的新戲《最後的真相》首映，她說：「我一向都好鍾意黃曉明演戲，好開心夾到時間去睇《最後的真相》首映，曉明哥好靚仔，加上演技又好，呢部係佢第一次擔任監製，真係好勁好敬佩佢，我仲問佢攞貼士，點樣可以台前幕後都兼顧得咁好。」
《無間一戰》慈善首映禮擔任大會司儀，梁家琪自評合格。
回想去年參選港姐
新一屆港姐剛於上周日出爐，Khaki有前往現場欣賞，看見台上佳麗，令她回憶去年自己參選港姐的情況，「真係冇諗過時間過得咁快，坐喺台下嘅感覺同去年企喺台上參選係兩回事，其實每位參選佳麗經過兩三個月訓練就要上台，係好勇敢嘅事，令人佩服，比賽當晚播出嘅兩首港姐音樂，我一聽到音樂就眼濕濕，加上坐喺我身邊都係去屆候選佳麗，大家嘅回憶就湧番晒出來 ! 經過一年，我覺得自己無論思想或者心態方面都成熟咗。」
梁家琪早前在北京專程前往捧場欣賞黃曉明演出及監製的新片。
梁家琪上周出席港姐決賽，勾起去年自己參選的情景。
