有用通訊軟件嘅人基本見過一個可愛肥仔配合唔同動作嘅Stickers，而呢個可愛肥仔叫Jonathan R.Sugianto（Tatan），亦有粉絲叫佢做「打蛋」，嚟自印尼嘅佢今年已經9歲。
Tatan表情多多嘅stickers喺通訊軟件上得到廣泛使用，令佢街知巷聞，人氣爆升。2013年出世嘅Tatan，喺4歲時因可愛搞笑嘅Stickers而成為印尼嘅全民偶像，現時佢IG已經有超過260萬追蹤者。除此之外，Tatan仲做埋YouTuber，偶爾發佈一些有關玩具、零食及煮食嘅影片，更有公司表示Tatan所代言嘅產品都會有好好嘅銷量，可能因為佢食嘢嘅樣令啲嘢食睇落特別好食。
網民：Tatan已沒以前可愛
唔經唔覺Tatan已經9歲，仲由可愛小肥仔慢慢步入少年，佢仲將其標誌性嘅光頭留長，變成平陰嘅髮型，不過有網民話覺得而家嘅Tatan變得冇細個咁可愛。亦有網民覺得Tatan有啲過度肥胖跡象，認為Tatan父母要關注佢嘅健康，控制一下佢嘅體重，希望可愛嘅Tatan可以健健康康咁成長。
▼即睇Tantan近照！
原文刊登於 Yahoo娛樂LOL，am730獲授權轉載
