反起跑線聯盟｜竟被認錯是肥仔 練美娟疾呼搞錯兼投訴被「食豆腐」

由劉偉恒執導的ViuTV原創劇《反起跑線聯盟》，演員陣容除了有梁詠琪、強尼、潘燦良和周家怡等，還有早前曾傳緋聞的ERROR隊長梁業(肥仔)和練美娟(娟姐)演夫妻，兩人獲導演大讚有夫妻相。不過，娟姐就投訴竟被導演誤認是肥仔，她更自稱被肥仔「食豆腐」！

肥仔娟姐獲讚有夫妻相

當肥仔遇上娟姐，當然是爆笑連場，不過娟姐就大吐苦水，自稱拍到精神分裂，「肥仔叫我做娟老師，導演又將我同肥仔叫錯晒，真係有冇搞錯啊，我哋咁大分別都會搞得亂！」導演解釋說：「娟姐同肥仔呢家人越嚟越似一家人，就連小演員媽咪都話娟姐好似呀媽，真係好有感覺。」肥仔則辯說是全因娟姐地位尊崇，「通常片場最有地位嘅就會被人叫老師，宜家娟姐要支水咋，都會全場大叫『娟老師要支水啊！』，你可想而知佢幾咁受歡迎。」 

肥仔被指借按摩戲「食豆腐」

一向擅長跳舞的肥仔在戲中會大顯舞技，並會與劇中囝囝拉筋做運動。不過，劇情發展肥仔扭傷要娟姐幫忙按摩，結果被娟姐投訴「食豆腐」，娟姐指：「宜家佢用演員身份食我豆腐，按按吓又叫咩高啲入啲，唔知想我按邊度啊，係佢要求㗎咋，fans唔好呷我醋。」 

《反起跑線聯盟》將於下周一晚(21日)首播，講述拒絕成為「怪獸家長」的父母、力求子女贏在起跑線上的「虎爸」、「虎媽」，在校園裡各自為自己的理念辯護，展開連場激戰。