台灣男神陳昊森日前低調訪港，更與Mandy譚旻萱（前排左）食生日飯慶祝。
台灣新世代男神陳昊森，憑同志電影《刻在你心底的名字》爆紅影視圈，不但入圍金馬獎「最佳新演員」，更為他吸納大量男粉絲，同時亦俘虜亞洲各地的少女芳心。
陳昊森昨日迎來27歲生日，原來男神正身在香港，連日來被市民捕獲，男神在香港四出遊覽，搭港鐵又去港式酒樓食點心。日前，陳昊森與香港上位女神譚旻萱（Mandy）食生日飯慶祝，同場還有Mandy老闆Kim及陳昊森經理人小任，Kim昨天亦在IG限時動態貼出大合照賀壽星仔。
其實，陳昊森之前跟Mandy曾一同出席珠寶品牌活動，當時Mandy跟大家表示好希望可以跟男神合作，今次陳昊森低調訪港，還一齊食生日飯，見IG一星期前，導演葉念琛亦分享與陳昊森合照，唔通Mandy真係夢想成真？
陳昊森2017年憑網劇《紅色氣球》開始上位，之後《刻在你心底的名字》令他躋身紅人行列，近年更參與多部電影與電視劇作品，包括《罪後真相》、《診團圓》、《小子》、《第九節課》、《半熟男女》及《地獄里長》等，既有演技亦具備顏值，其高大威猛外型，跟Mandy亦相當合襯。
