炎明熹出席慶功宴時，以輕便的打扮示人。
炎明熹(Gigi)昨日(1日)在《2023年度叱咤樂壇流行榜頒獎典禮》憑《Little Magic》奪「專業推介叱咤十大」第十位。她出席慶功宴時，已脫去多層的湖水綠戰衣，換上輕便打扮。當她步出會場見到仍在守候她的fans時，便捧住獎座走到他們面前，多謝他們的支持，並說出一些心底話。
炎明熹、馮允謙、張天賦、陳健安、姜濤。
唔會辜負大家期望
Gigi說︰「其實我剛才好似講漏要多謝邊個，我係好想當面多謝大家，好像前日大家見到我，我亦都唔知要講咩好，其實今天我都唔知要講咩好，但係我知道大家等咗我好耐，大家支持我咁耐，所以我亦希望自己唔會辜負大家對我呢個期望，好想當大家係我屋企人同朋友，因為大家都好錫我，其實冇咗你哋，冇咗大家，我都唔係一個炎明熹，所以想喺呢度多謝大家，呢個獎係屬於大家。」
Gigi希望大家可以多給時間、機會︰「做多些歌曲唔單止《Little Magic》，希望之後成績可以再好啲，然後無愧對大家。雖然我知道大家可能唔希望我有咁大壓力，就係覺得自己一定要去到邊一個位置，所以我希望大家健康快樂開心就OK，粗重的事等我嚟做，多謝！」
炎明熹多謝fans全片︰
炎明熹後台訪問︰
