安德尊自言未到食軟餐年紀 偕馬海倫派新菜式給長者試食
安德尊、馬海倫昨日於灣仔會議展覽中心出席大快活的「快活回味軟餐」活動，宣傳4款專給長者的全新口味軟餐，包括紅燒汁魚塊飯、南乳蓮藕豬肉飯、蜜汁叉燒飯及鹹魚肉餅飯，同場還有大快活集團副主席羅輝承。
二人即席軟餐，並大讚非常美味，安德尊更以一貫輕鬆幽默風格推介軟餐：「隨住年紀愈大，就愈受軟唔受硬，講緊食嘢呀，雖然我未到食軟餐年紀，不過認識好多長者或手術後的人士，因爲唔同原因出現吞嚥困難，影響均衡飲食甚至營養吸收。」安德尊最鍾意鮮茄豬扒飯軟餐，「我屋企人以前都喜愛光顧大快活的阿活焗豬扒飯，現在有軟餐版本，嘩！新增的4款軟餐菜式，還原了菜式99.9%的味道，肉有肉味，菜有菜味，感覺好溫馨！」
馬海倫亦驚訝原來軟餐可以咁好食，她說：「平時餵媽媽食嘢，知道佢啲牙唔好，食物都要撈埋打碎先食到，全部食物都係得一種味道，媽媽有時都有點抗拒，吃一啖便不欲再吃。有時都心痛佢食唔返菜式的美味。依家大快活推出營養成分充足又好味的軟餐，每款食材都分開，仲有好多係經典港式款，唔會食到悶，阿媽不但有好嘢食，而且也省卻了費時自煮的煩惱。」安德尊與馬海倫又大派「快活回味軟餐」新菜式，予現場長者試食，更與長者們傾談分享。
