曹查理75歲宣布退休告別內地疑返港居住 曾半身痲痺險死決定戒酒
八九十年代喺多套港產片飾演麻甩猥瑣男嘅曹查理，近年不時返內地工作，更開設抖音帳戶。日前曹查理嘅帳戶有新片發布，但主角居然係同曹查理共事二十年嘅助理，助理更代曹查理宣布退休！
助理：曹查理喺直播間落淚
片段中，曹查理嘅助理話送完查理哥去機場，而喺早前嘅直播入面，曹查理已經公開表示要退休。本來曹查理話大家唔好為此而難過，但助理話反而係曹查理喺直播間落淚。女助理讚揚曹查理有如佢嘅長輩一樣，而且關心同照顧每一位同事嘅情緒。
喺片尾，曹查理嘅助理話帳戶會一直保留，而且希望未來去香港同曹查理碰面時，可以分享查理哥嘅生活片段，因此估計片段中獨自上路嘅曹查理，相信係回港生活。
年事已高嘅曹查理，早前曾拍片透露身體出毛病，半邊身感到痲痺。「我第二天才到醫院去，醫生說你超過了24小時，你就是拜拜。我沒有超過24小時……第一天差不多12點，就打999去醫院，在醫院逗留了8天，很辛苦呀。那個時候每天都很想朋友過來看我。我現在這個年紀，怕不怕？我不怕，死是應該的。但是我不想來到這個世界，我先跑走了。走了，就給人家一個懷念，今天懷念你，明天想你，後天不想了，對吧。」曹查理又透露為健康著想而戒酒。「從前很喜歡喝8+1（酒），現在都已經把它戒掉了。醫生說你以後再喝（酒），你就會拜拜了。我是給大家一個忠告，身體是最重要的，我不想這麼快就離開這個世界」。去年曹查理搬到四川居住，並且搵姨甥張智霖及其太太袁詠儀喺內地社交帳戶拍片谷人氣。
原文刊登於 Yahoo 娛樂圈
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
