楊明接受《東張西望》訪問時，全程以淚洗面。
楊明在訪問中表示，今次入獄反省了很多，每分鐘都充滿恐懼。在《東張西望》的訪問中，他近乎全程眼濕濕，更不時用紙巾擦眼淚。他指在獄中只能對住四面牆，沒人和他傾訴，只好不停自責，因此每次都好珍惜家人及莊思明來探訪的時候，他更特別點名多謝黃建東，「佢好有心，起碼有個真係朋友同我輕鬆傾談下，喺入面淨係有人問我有冇唔舒服，係得嗰一兩句。」
楊明透露莊思明除了來探他，亦有寫信給他。
楊明與黃建東向來老友鬼鬼。
入面有人嗌楊明
主持問到獄中有沒有人對他特別好奇，楊明說︰「頭5日一直都係隔離，去到赤柱監獄都係自己一個人。入面有人嗌我，入面有份報紙睇，佢哋知我轉咗去，有時都會叫下我，但都接觸唔到我，唯一我有接觸嘅，係同我斟水同埋俾飯我食嗰個人，完全唔會有人生安全問題。」
楊明︰入面係無麵食
楊明坦言在獄中的生活很難過，叮囑大家不要做錯事。他表示在出獄前一晚失眠，不停想出獄之後會遇到的事，並希望之後可以重新出發。他指這監禁的日子，亦是他人生之中最長時間讓自己沉澱，回想起自己入行以來很少陪伴家人，他希望在餘下的時間可以跟家人多些相處。問到最想做的事，他說︰「最想做嘅係同爸爸媽媽見面，但依家喺竹篙灣隔離。同埋最想係食碗麵，入面係無麵食。」
