YouTuber「Yu Ball 魚波」 喺IG投訴，力數劇集中電單車場境的4宗罪。《極度俏郎君》截圖
ViuTV劇集《極度俏郎君》由姜皓文（黑哥）、宣萱、張慧儀及ERROR四子等人主演，雖然劇集喺星期一（17日）首播後獲得唔少好評，不過最近就被YouTuber「Yu Ball 魚波」 喺IG投訴，力數劇集電單車場境4宗罪。
指演員將車炒爛但態度欠佳
《極度俏郎君》主要講述一名過氣江湖大佬出獄後重回正軌做好人嘅故事，劇集已經播出三集，成功吸引唔少網民收看及好評，不過最近就被自稱係劇中電單車車主嘅YouTuber「Yu Ball 魚波」 喺IG投訴，力數劇集電單車場口4宗罪！第一，劇組借車未有跟足行規遮住電單車車牌號碼；第二，劇組當初承諾除咗劇集拍攝外，唔會將電單車照片上載到社交網站，但結果照出；第三，演員將車炒爛，但態度欠佳；第四，劇組當初承諾由特技員操作電單車，但結果係演員操作，仲要搞到炒咗車。最後佢仲鬧爆：「點啊，係咪大公司玩晒？承諾咗唔算數，有冇啲職業道德？」
吳啟洋 Phoebus IG
原文刊登於 Yahoo 娛樂圈
