王嘉儀為新歌MV花兩個月練舞。
王嘉儀(Sophy)繼推出《自然變態》及《淹悶》兩首電子曲風的作品後，新歌回歸抒情歌的懷抱，Sophy與台灣金曲獎常客陳君豪聯合作曲，《我們的鬼魂》由首次合作的黃偉文填詞，麥浚龍執導拍MV，超強班底令Sophy不敢怠慢，花了兩個月練舞，為了在十幾度下，一Take過從沙灘走進海浪中，她更要特地學潛水和操練體能，極具挑戰性。
從淡淡然到盪氣迴腸的旋律，結合Wyman筆下的淒美歌詞，MV導演Juno特地構思了充滿詩意的劇情與畫面，Sophy從去年12月開始排舞，排足2個月，「因應劇情，MV裡面我既然獨舞，亦要與舞者一同雙人舞，透過舞蹈表達懷緬對一段以往嘅戀情嘅眷戀同不捨。」
Juno向來要求高，動用電影Crew拍MV，Sophy坦言有壓力，「對比我以往拍MV嘅模式，係一種升級，因為好多長鏡頭，好少機會可以拍到。」Sophy更指Juno睇景後，更提醒她拍攝前要調節生理時鐘早睡早起，她說：「睇景後Juno打電話俾我，話呢個Shoot即將好辛苦，因為要喺十幾度天氣行入海浪，落完凍水後仲要拍十幾個鐘跳舞。」Sophy見識到Juno的瘋狂，全因要做出最美的畫面，Sophy續說：「拍攝當日要朝早5點開機，因為想捕足日出嘅Magic Hour，拍出嚟好靚，好似一幅畫！但拍嘅當下好記得係2月尾，嗰朝15度，坐喺沙灘海邊，已經凍到傻咗，因為我身上著嘅衫要追求飄逸詩意，係非常艱難，好有挑戰性。」
為了一Take過拍從沙灘走進海浪中，沒入海裡的鏡頭，Sophy事前雖已學會用潛水用咬咀，海中更有兩位潛水人員帶著氣樽迎接她，但當日因為太大浪，一沒入海裡，Sophy一時間來不及拿起咬咀再潛入水底，結果她免不了飲了幾啖海水，不過Sophy覺得十分值得，她說：「好難短時間內做到好完美，但我好proud of呢個作品，Juno嘅瘋狂、奇幻構思，將首歌好親密、不捨感覺、情緒一一記錄低，令我感受到Juno電影國度嘅威力，亦令呢個MV成為我歷年來拍過最有電影感嘅MV。」