痞子殿下｜遭周嘉洛摑到眼濕濕 陳瀅︰未試過被男人打

周嘉洛、陳瀅、王灝兒(JW)等今日為劇集《痞子殿下》宣傳，陳瀅大爆嘉洛不懂借位，拍攝掌摑她的戲分用了真力，令她痛得眼濕濕。她說︰「本來係借位拍攝，但點知佢借唔到，真係打落嚟！我從未試過俾男人打，個場戲講我係一個女將軍，應該咩都唔怕，但佢嗰一巴真係打到我真係好痛，眼淚都出埋。」陳瀅續指嘉洛很重友情，即使他劇忙得三日沒睡覺，得知朱敏瀚失戀，多累也約她、JW和朱敏瀚聚會，藉此安慰朱敏瀚。