肥美人｜12強誕生 洋腸大熱倒灶

ViuTV節目《肥美人》昨晚播出第9集，並在16強當中選出12位佳麗，最終的入圍賽果卻令人大跌眼鏡。

賽前大熱的洋腸（邢洋陽），竟然12強止步，就連跳鋼管舞贏盡讚賞的「友誼小姐」Chanhnez、肥Yan、Vicky也紛紛出局，成為今集被淘汰的四位佳麗。

12號的洋腸成為賽前大熱受盡壓力，她在節目中被嘲有東莞味時，就指東莞多靚女。不過當得悉落敗，難免顯得一臉失落，事後她表示︰「跟面試時一樣，我俾自己120分，如果以跳唱嚟講，我真係盡咗力。」洋腸更自言會減肥，並稱：「可能第２屆『造美人』又會見到我。」至於12強誕生，分別是綺夢、Lezlie、呀肥、阿Bui、紅中、肥肥茵、丁丁、Cherry、Heyman、容小姐、包包、凱琪，而五位主持亦於同一集選出最上鏡小姐，結果由Cherry奪得。