方中信、莫可欣等，前晚出席電影《與神同行：終極審判》優先場。 日前方中信一家人去歐洲度假旅行，不過就出了點小意外，方中信的行李遺失了，他說：「之前都有試過，所以唔太意外。」其妻莫可欣早前曾說，希望送女兒到歐洲留學，所以這次趁旅行，順道看一下當地環境，莫可欣說：「冇特登去搵學校，個女依家先10歲，唔使咁早揀定學校。」問方中信會否不捨得女兒，他表示：「唔捨得都冇計㗎！一定會送佢出去讀書。」說到日前他家中愛犬離世，方中信指：「相處咗咁耐，心情點都會有啲難過。」
計劃送女兒歐洲留學 方中信：唔捨得都冇計