王菀之奪「最佳女配角」。
第41屆香港電影金像獎今晚(16日)在文化中心舉行，「最佳女配角」由梁洛施及魏浚笙頒發，魏浚笙表現略為緊張。梁洛施表示已經是第二次擔任頒獎嘉賓，擔憂做夠三次會冇獎拎，因此希望大會下次可以頒獎給她，而魏浚笙就希望可以再做頒獎嘉賓，向梁洛施頒獎。
「最佳女配角」由梁洛施及魏浚笙頒發。
結果最佳女配角由《飯戲攻心》的王菀之獲得，她亦是第二次獲得此殊榮，她上台大叫一聲之後，多謝大家及《飯戲攻心》一眾台前幕後工作人員。她說︰「有時我會諗我係一個歌手定係演員，定係做創作呢？但都要大家welcome我多啲喺不同平台發揮，先令到我嘅夢想成真多一啲，好多謝大家接受我做一個女演員。多謝家人支持我無論做任何嘢，多謝歌迷支持我拍嘅電影，亦多謝影迷會聽下我嘅音樂，多謝大家不分任何媒體去支持，我哋一齊為香港電影努力。」
同樣有份角逐此獎的有《正義迴廊》楊詩敏、《窄路微塵》區嘉雯、《飯戲攻心》的林明禎及《緣路山旮旯》的余香凝，當中以楊詩敏呼聲最高。
