羅天宇、何廣沛及陳浚霆在《金式森林》中扮演郭晉安的囝囝。（娛樂組攝）
郭晉安、何廣沛、羅天宇及陳浚霆等昨日出席《金式森林》宣傳。安仔透露今次拍攝因為有很多年青又未合作過的演員，因此特別跟他劇中的子女會「開會」，互相認識，好讓大家有深入了解，更會互相講秘密。問到「方家」三子有關房內的秘密時，何廣沛、羅天宇及陳浚霆即謂不能說，更笑言秘密都是大家穿幾多條底褲。
羅天宇、何廣沛及陳浚霆拍完劇之後，變成好好朋友。（娛樂組攝）
開心與郭晉安交流
何廣沛說：「其實都幾surprise，因為安哥都知道今次有好多年輕嘅演員，又有好多未曾合作過，佢要帶着去做，唔想有任何代溝，始終年輕演員對住資深演員會有少少怯場，會覺得安哥嘅氣場大，但係我哋要演嘅係有二、三十年嘅父子感情，安哥召集晒我哋所有仔女去一間房。」
陳浚霆笑謂當時是以為前輩要訓話，「安哥同我哋傾偈係好開懷，好似同輩、又俾多少少意見我哋嘅人，而且我又唔係好熟佢哋（何廣沛同羅天宇），喺嗰一刻大家就練成左一線，就算套戲完咗一年，大家都好close，我唔知大家對我點，但我就覺得好close。」
收視好可能爆秘密
羅天宇說道：「嗰次經驗係好特別嘅，因為入行咁多年都未曾試過，好多時劇集要好快進入狀態，大家嘅關係要好快喺度⋯⋯」此時安仔在他們身邊經過，三子即轉話題不停擦鞋，大讚安仔有型、演技又好，場面爆笑。安仔笑謂如果反應好，便會爆出在房內的秘密，搞到三子大為緊張。何廣沛表示要頒獎禮拿獎才可以說出一個秘密。
ADVERTISEMENT
立即更新/下載AM730手機APP 體驗升級功能
