TVB遊戲節目《開心無敵獎門人》噚晚（9日）播出最新一集，繼續有「獎門人」曾志偉，帶領四位「獎老」錢嘉樂、麥美恩、徐文浩及林秀怡擔任主持，並邀請台慶劇《美麗戰場》演員擔任嘉賓，分別係 「美麗隊」陳山聰、陳瀅、陳曉華、何依婷、關嘉敏、葉蒨文、林景程等等，以及「戰場隊」則有林盛斌Bob、黎芷珊、蔣家旻、劉佩玥、朱晨麗、丁子朗、曾淑雅（Jumbo）等等。
節目搵嚟多位女神級嘉賓，首個遊戲環節「開心無敵啜乒乓」已經令到觀眾大飽眼福，嘉賓們輪流啜乒乓，各人都非常落力，陳瀅及曾淑雅更加可以繼續保持靚樣。而「戰場隊」嘅明顯冇「美麗隊」強，就算Bob派出啜力強勁嘅Jumbo都無用，只係得9個乒乓波。百發百中嘅Jumbo令人回想起當年呢遊戲環節嘅經典人物JJ賈曉晨，除咗被李紹堅都大讚之外，連「獎老」錢嘉樂都搞笑話：「留個電話俾我！」，場面爆笑。
