今日是陳慧嫻的58歲生日,她宣布正式加盟英皇娛樂,英皇娛樂眾藝人及經理人霍汶希(Mani)紛紛送上祝賀,其中包括容祖兒、謝霆鋒、任達華、惠英紅、Twins、李克勤、古巨基等等 拍片祝賀慧嫻加入英皇大家庭。
祖兒是新世代歌手
陳慧嫻表示好榮幸可以加入英皇,並十分期待跟克勤及祖兒合作。她說︰「我同克勤以前同一間公司已認識多年,但從來冇機會合作,希望可以同佢搞吓啲花臣啦。」提到祖兒,慧嫻表示其實二人已認識很久,「希望可以同呢位新生代合作,對我嚟講Joey係新生代嚟㗎,同祖兒一齊玩吓。」至於「轉會費」,慧嫻笑說:「數字就唔講啦,總之就開心滿意啦。」
預告開演唱會
一眾英皇藝人對於慧嫻的加盟均十分興奮雀躍,亦乘機問她不少問題,好友克勤就問慧嫻加盟後,希望公司可以帶給她甚麼?慧嫻表示:「希望可以令到我有更加多嘅人生經驗,學到多啲嘢啦。」出爐影后劉雅瑟直言希望在演唱會上可以跟慧嫻齊齊唱《跳舞街》,並即席唱了一小段,十分搞笑,慧嫻亦開心透露:「演唱會就梗係會開啦,不過我哋就要揀一個吉時同埋合適嘅時間,希望可以同歌迷一齊唱。」