馮盈盈稱，卸任後有興趣於娛樂圈發展。
陳雅思表示，簽約無綫要睇對方開出的條件。
馮盈盈、陳雅思和翟威廉等，昨日現身商場為新一季美劇《逃》(Prison Break)宣傳，港姐冠軍馮盈盈快將卸任，有指她不欲與無綫簽10年長約，因而錯失發展機會，馮盈盈否認有此事。
對於被傳拒絕賣身10年給無綫，馮盈盈說：「同公司嘅合約依家處理緊，自己有興趣喺呢行發展，考慮簽約嘅條件，係希望公司可以俾到多元化發展，同俾到拍劇機會我，至於外面講嘅10年年期，自己年紀唔算太大，10年時間係咪好長，呢個就係好主觀嘅問題。」同屆港姐季軍陳雅思，亦異口同聲說：「都係睇機會同條件啦，先考慮簽唔簽約，我自己是比較幸運，公司俾咗唔少幕前機會我。」
翟威廉曾到日本發展
翟威廉於18歲時在日本求學期間，以搞笑組合出道，上日本節目的舊片段被人搜挖出來，他表示：「當年做兼職模特兒，上節目講有口音嘅日語同廣東話係無問題，記得當時日本觀眾笑到唔停。」翟威廉又自爆，初戀結識的日本女友，對方現在已婚並生了孩子，但仍偶有聯絡。
翟威廉自爆初戀的日籍女朋友已為人母，但二人有保持聯絡。