邵家輝爭取連任批發及零售界別。(蘇文傑攝)
自由黨兩名「老將」即將離開立法會，黨主席邵家輝「擔大旗」希望為該黨爭取更多議席。邵家輝自身爭取連任批發及零售界別，面對「謝瑞麟掌舵｣謝邱安儀「硬撼」，他接受《am730》專訪時指，會更加努力迎戰。
記者 陳芷晴
在議會與業界捱過疫情艱難時期，怎料疫後港人北上消費熱潮興起。邵家輝解釋本港零售業面對龐大的租金及薪金壓力，舉例「10個崗位得6個人做，自然做到好辛苦，仲要佢笑口噬噬嘅話。當佢見到有份工價錢差唔多，唔使做到咁辛苦咪跳嚟跳去」。價格高昂，但服務質素欠佳，「香港市民用對腳投票話你知，唔幫襯你，周末北上消費」。邵家輝續指：「當經理落埋去洗碗，都係做唔到嘅話，到最後就結業，令失業率增加。」他強調自由黨堅持本地勞工優先就業，但同時需要適當輸入外勞，提升服務質素。
業界「捉到鹿唔識脫角」
不過，零售市道有危亦有機，邵家輝指出現時有很多內地旅客，專程來港欣賞演唱會及體育盛事，「過得嚟都係高消費群。但要諗多啲方法令佢留低或者早啲嚟，唔好只係搭車過嚟，夜晚10點鐘睇完就噓噓聲走，咁可能捉到鹿唔識脫角。」他建議跨行業，包括酒店、主題樂園、零售、飲食界提供「套餐」，留住遊客。
上屆以高達90%的得票率勝出，今次選戰面對「謝瑞麟掌舵｣謝邱安儀，邵家輝無明言勝算，只強調會更加努力。他續指過去與謝太合作無間，對方貢獻良多。在完善選舉制度下，歡迎所有愛國愛港、有心為行業貢獻的代表參選，令選民有多些選擇。
自由黨派6人參選
年屆七旬的自由黨黨魁、飲食界張宇人，以及航運交通界易志明將離開立法會。航運交通界議席自首屆立法會起，已是自由黨囊中物，但今屆無緣交棒。作為黨主席，邵家輝對於黨內兩名資深議員退任覺得可惜，讚揚兩人對業界以至香港貢獻良多。今屆自由黨有4名立法會議員，今次選戰則派出6人競逐功能界別、選委界及地區直選，邵家輝希望能擴大議會版圖。
ADVERTISEMENT
激送AIA Carnival友邦嘉年華門票連代幣！
