【靚仔得咁緊要？】15歲道枝駿佑被封千年一遇美少年

日本女星橋本環奈因為被封「千年一遇美少女」而出名，最近年僅15歲嘅日本男星道枝駿佑，亦因被封為「千年一遇美少年」而聲名大噪，仲唔止日本，連喺韓國都大受關注！

2002年出世嘅道枝駿佑，12歲嗰年因為電視劇《金田一少年之事件簿》而崇拜男主角山田涼介，就加入Johnny's事務所，2017年演出首部連續劇《成為母親》，飾演澤尻英龍華同藤木直人個仔，年僅14歲就被讚演技自然，加埋精緻外型，成為備受期待嘅新星。