曾樂彤昨日到馬鞍山商場出席新春大派對活動，提到新一年目標，她希望有更多工作及新嘗試，而近幾個月的工作表已排滿，對去年成績感到滿意。至於感情狀況，曾樂彤刻意避談男友游學修，又說與網民罵戰上了寶貴一課。
曾樂彤回顧去年的成績，她說：「上年出咗兩首歌，其實嘗試風格為主，大家都覺得好適合我，叫做搵到自己方向。下個月應該有新歌出，因為情人節，所以會係一首慢歌，叫未搵到另一半嘅，唔好心急，寧缺勿濫。」
與網友罵戰上了寶貴一課
追問她與游學修的感情狀況，曾樂彤支吾以對，只表示，「同所有朋友都相處融洽。(會否與游學修會慶祝情人節？)我好少慶祝節日，就算聖誕新年都係陪媽咪，新年會同同事向老闆拜年。(感情出現暗湧？)唔係，因為仲係新人，要努力工作。」去年曾樂彤因與網友罵戰，引起軒然大波，她直言：「新一年大個女，上次件事係好好一課，依家會學識收斂，就算唔開心嘅事，都唔會咩都講出來。」
曾樂彤到商場，與市民提早慶祝鼠年。