趙璧渝原來好好雙乳！
《逆天奇案2》的「妹頭」趙璧渝近日獲得不少網民關注，在劇中以男人婆形象示人，而現實中的她其實身材甚好！日前她為美胸專門店拍攝廣告，盡展迷人線條，沒想到她是禾稈冚珍珠。
妹頭在劇中打扮較男仔頭。
拍攝當日，天氣雖不至寒冷警告，但因冇陽光同海灘大風，令趙璧渝不停流鼻水，她說：「工作人員知道天氣狀況，同埋有機會濕身都有準備暖包、大毛巾，但我真係冇辦法貼暖包，因為啲衫實在冇空間，泳衣又好多個窿、跟住婚紗本身好窄，當日自己帶咗一件長羽絨，同埋一個暖壺。」為了著靚每件貼身衫，趙璧渝拍攝前一日只飲流質食物、食藍莓同烚蛋而已，到當日則由朝到晚早只飲齋啡以去水腫，肚餓才吃幾粒藍莓充肌。
另外《逆天奇案2》熱播大獲好評，她由《逆天1》到《逆天2》飾演的「妹頭」仍然被受注視，自覺入行11年終於有一個里程碑，說：「由《逆天1》到《逆天2》，感激有展鵬大佬嘅帶領令我哋A Team嘅默契、眼神、互相嘅信任度、演繹上嘅節奏等等都愈來愈自然合拍，大家會互相提點，而妹頭呢個角色就成為咗我生命中好重要嘅里程碑，因為呢個角色令我得到好多得到好多，我好感恩可以同你哋呢個團隊一齊成長進步，好多謝觀眾支持。」
趙璧渝身材甚好！