MC張天賦馬場表演忘記歌詞落台仆親 認太緊張甩轆

MC張天賦今日(24日)應邀出席沙田馬場活動任表演嘉賓，但現場表演失準，多次甩咀，下台時又不慎跌倒，甩晒轆。MC受訪時坦言不滿意自己的表現，自言太緊張。他說︰「我係第一次入馬場，第一次感受氣氛好得意。(唱《隔牆有耳》時為何笑？)企咁大個舞台真係好大壓力，真係大壓力過演唱會，又要直播，當中有啲出錯，當下唯一反應只可以(笑)咁，都知道自己有錯，唔唱得都要睇得，都要笑！」他坦言公開演出經驗未夠，希望公司可以讓多些公開表演。

提到今次跟甄子丹再次同場，亦是他們在電影《誤判》之後再見面，他稱在電影上有不少動作，擔心自己能否應付，幸得甄子丹提供不少事前準備、訓練，令他在片場可以減少出錯的機會。他坦言有些鏡頭需要NG多次，但對自己的表現用「合格」去形容。他稱甄子丹有在片場指導，笑謂自己完全不是他的對手。