一個地方兩個名，有意譯和音譯，有舊有新；
名字反映文化，也代表時代，有跡可尋。
美國獨立之後，除了因為最初期的國家不穩定而移民外出，其餘時間都是大量移民流入的情況。在獨立之前奴隸制度一直存在，甚至喺1776年嘅《United States Declaration of Independence》(獨立宣言)中也被合法地承認。但當獨立戰爭勝利後，廢奴主義開始昌盛，最後導致數十年內北面聯邦與南方聯邦形成對立，前者贊成禁止輸入及隨時代消失，後者則繼續蓄奴。最終1861至65年間，南北內戰爆發，有幸北方United States of America(美利堅合眾國)打贏咗Confederate States of America(美利堅聯盟國)，並且根據美國憲法第十三修正案而廢止奴隸制度。其USA國旗飄揚至今，而帶領這個運動的Abraham Lincoln(林肯)也被視為美國歷史上其中最偉大的總統，並列在四位總統山雕像之中，代表著美國過往150年的歷史。
廢除黑奴，引入黑工
雖然表面上奴隸制度廢除，但是多年來仍然對白人種族以外相當歧視，尤其第一原住民和黑人。數十年前仍然不難見到洗手間有for Black及for White之分。其實雖然話美國本土冇咗奴隸制度，但唔代表新一代嘅奴隸消失，只不過由奴嘅身份轉化為勞工，移民變為打工。
仍記得細個時睇粵語長片，當中不乏有「到南洋打工」嘅情節。充滿理想抱負的年輕親戚，知道在香港或中國難於搵食，心諗有機會坐船到海外發展，興高采烈咁同家人道別，有待事業有成歸來光宗耀祖，點知一去就大半世或者客死異鄉，於彼邦終老。尤其美國有一個叫做金山嘅地方，掀起當其時淘金熱潮，以為買咗個機會，點知係俾人「賣豬仔」做苦力，Coolie Labor。
血淚華工，宏偉建築
其實San Francisco(舊金山)早於1848年已經發現金礦，幾年後河床表面金礦已被淘走，去到嘅都只係修橋起鐵路。甚至再到1880年，當地「華工」已佔總勞動力的1/3，十多年前吳宇森導演想開拍周潤發之電影「華工血淚史」就係講呢啲。而在舊金山的宏偉建築，當然首選係Golden Gate Bridge(金門大橋)。
大橋建於1933至37年，雖然同最初金礦之發現相差了接近100年，但據說大橋的興建仍然採用了不少華工。1,970米長的大橋兩座橋柱連墩大約成70層高，由海面到橋中心就大約高60米。而主要鋼纜由25,572條鋼絲組合而成，其長度足可環繞地球3圈有多。而大橋顏色採用啞橙，係因建築師Joseph Baermann Strauss覺得容易同周邊環境融合，亦容易顯現在海峽的大霧。
昔日現今，同樣無根
當然當講到金門大橋，作為香港人也自然會聯想到青馬大橋，兩者都係懸索吊橋，也同被譽為「二十世紀十大建築成就」。其實原來華人社會多數稱San Francisco為舊金山，三藩市則是香港嘅粵語音譯。舊金山歷史沿於人口販賣，三藩市則移民之因。不同時代和文化，相同的是生活皆沒有根。