最近朋友M小姐不停向我和飛男吐苦水，為的是接了一個半官方機構的工作，發覺「貨不對辦」。
M說：「只可怪我耳仔同心腸軟，被大學師妹遊說一齊接呢個job……係某某協會要搞一個年度大型活動，我哋負責其中一部分，而搵人或公司搞一個DIY體驗。」那協會全世界人都知道，收了政府以至一些機構的撥款和資助，水頭充足，理應可以負擔一些有體面、質量不差的活動，讓參與的市民大眾可以真正同樂；可惜協會其實「口爽荷包漉」，每次M向他們建議的活動，協會代表總會劈頭一句：「可唔可以叫佢哋免費？我哋畀返個大啲嘅credits呀？」原因是協會自恃有政府，甚至「阿公」加持，就覺得自己「夠晒大」，大到一個點……「幫我哋做嘢係你哋嘅榮耀」！M最初都會覺很為難，但久而久之就很老實跟協會說「人家要收回成本，又要搬運器材，總唔可以連叫貨車嘅錢都蝕埋啩？」
M呈上一個又一個的提議，被協會一次又一次ban了，到最後M發現協會選擇了一個類近她建議的活動，但搞活動的單位原來跟協會其中一員是友好關係，而這單位所用的器材，原來是你我都可「淘」到的平價貨。
M看得很開，謂：「咪幾好，有阿爺背景，又用淘X貨，一家親！最重要係我收到錢，咁就close file嘞！」