朋友M先生要離開他工作兩年多的社福機構，M說他想到要先通知哪一個時，第一時間就想起我和飛男。「我連女朋友都未講，第一時間就同你哋分享呢單嘢，你哋睇吓我幾咁愛你哋！」
M另謀高就的原因不必深究，倒是他向我倆派了一顆定心丸，「放心啦，你哋寫得OK，又明事理又識湊客，我走咗都會繼續係你哋寫。」社福機構都要找人寫稿？當然需要，香港有成百上千的社福機構，每年都需要各界的捐輸，所以要會利用不同渠道把機構的理念、服務對象、過往工作等等不同資訊所大眾發放……難道你會肯向一家陌生的，或者只會叫喚「喂，我哋做善事呀，捐錢啦唔該」的機構捐錢麼？
M對我們有信心，其實未必是我們寫得好，而是比我們水準低一截的人大有人在。M所工作的機構，外判工作時總有一個不成文規定：同一個工作不可請同一freelancer做多過某個次數，以示公允沒造馬。我們本來一早就做完這個quota，但過了兩個月M又找上門。「今次好急……唔搵你哋救命都唔得！」原來M按機構指引再搵其他writer，但每個都未符理想，「好多剛跳離記者行業轉做freelance嘅朋友，都放唔低做記者嘅『上把位』心態，好多時覺得被訪者或我哋交唔足料俾佢哋，但其實佢哋又唔識做功課，又唔識發問問題……更慘係唔識轉彎！」
M說試過找一位曾於某刊物做過中高層的writer做訪問，結果訪問中途這位「前中高層」，竟然擺出名雕塑家羅丹(Rodin)名作「沉思者」的姿勢，然後在被訪者、機構高層和M面前說：「我依家唔知問乜好，俾五分鐘我諗一諗先！」難怪M急急動議再找我們……否則M就會變「沉屍」！「仲唔俾我老頂立即殺咗掉落海咩？」M笑着說。
一男一女兩個資深副刊記者，N年前一齊下海撈散，從此不想再受公司制度束縛。
