呢排同朋友食飯，談資離不開香港政局。好在我的朋友光譜由淺黃到深藍都不乏，政商媒界到勇武衝擊派，無任歡迎討論，才令每餐飯局收穫豐富。我曾在此專欄抱怨過，Facebook的feeding policy變成同溫層的回音牆，令人變得盲目而衝動，所以建議大家多點同對方陣營(包括家人朋友)握手吃飯，理性討論，了解軍情。除了一種僵屍人，麻木冷感，自稱中立無意見。冬涼夏熱，冷暖自知，屋企目前處於水深火熱中，至今可以眼盲耳聾心靜如水的香港人應該都不是活人了！
昨天廢老聚餐，為響應葉劉口中「隱形、非常精密嘅犀利大佬指揮」，齊齊上TG！不是泰航(也簡稱TG)，劍指外國勢力Telegram！每天跟蹤各大陣營的channel，資訊比網媒和媒介更加第一手。我終於加入了大佬陣營，發現WhatsApp、IG及Facebook成日死機，TG就安全穩定，而且支援多平台， 雖然要經電話號碼註冊，但亦可設定username，不需要交換電話號碼來通訊，類似 Snapchat閱後即焚，私隱度高。到了周末，我就三屏齊開，電視機長開有線新聞，一部iPad睇各大網台直播，一部iPad mini睇TG更新，果然非常精密！