三獅及「鋒」而試
2020-11-10

喺疫情影響下,好多歐洲聯賽嘅球星有家歸不得,如今國際賽賽期更密,好似「三獅兵團」英格蘭,周四友賽招呼愛爾蘭,之後連踢兩場歐國聯,包括作客鬥比利時同主場鬥冰島。一周三賽,獲徵召者除非好似菲爾科頓同格連活特咁,上次喺冰島酒店嬉春咁「鬼馬」,否則大部分球星只係換個訓練方式,閂埋門再密密操密密踢。疫情再度嚴峻,還好「三獅」未來3戰兩場喺倫敦,一場喺布魯塞爾,球星「中招」機會會減少。領隊修夫基好運,現手執可能係近年最強前鋒線嘅好牌任佢揀,只要看英超現時前列十大射手,居然有7位可代表英格蘭,當中丹尼艾格斯因傷,同當打嘅哥林威爾遜、冒起嘅班福特同奧尼屈堅斯落選。

最可惜係近年同哈利卡尼喺英超鬥入波嘅老牌射手占美華迪,同佢李城隊友、近年冒起最快嘅全能攻擊好手哈維班尼斯冇份。「華dee」做單箭頭打突擊依然銳利,哈維仔成個當年當打嘅朗尼咁,有噸位速度更快;只要李城喺英超繼續排榜首,修夫基唔會唔心動。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多