列斯聯「孔雀」開屏
2020-09-15

英超話咁快回歸,睇升班馬賽事嘅新鮮感會較大。富咸隔季重返即大敗,單係比賽速度絕對唔係英超水平;西布朗懷舊感強烈,除咗見番滄桑咗好多嘅比歷執教,擔正嘅守將基蘭基比斯、基爾巴特利同4年前嘅威爾斯歐國盃英雄之一笠臣簡奴後備出場,英超迷好熟;但一眾「舊電池」,俾班「小狐狸」段段快放,吞3蛋算少,今屆降班膽。睇番英超上季3支升班馬,只得諾域治包尾,並成為對上5季英冠冠軍中唯一降班球隊;不過上季英冠冠軍列斯聯,首戰迫到利物浦未停過,個隊型好正,應有機會挑戰前季狼隊一升班即攞第七嘅佳績。
 

佢哋最厲害係甩漏多嘅守將羅賓高治係德甲新星,加盟咗只係半個月,進步空間多;其餘主力踢得好全喺英冠打上嚟,朝氣十足,「狂人」比爾沙逆少帥橫行潮流,係今季英超之福。嚟緊第二輪,曼市雙雄加入,但勿忘列斯聯主場招呼富咸,睇有「孔雀」之稱嘅列斯聯嗰種全場壓迫感,真係賞心悅目,今場遇慢速富咸,要「開屏」不難了。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多