英超復賽吼實車仔曼聯
2020-06-16

英超停擺超過3個月終等到復賽,感覺上似番季初,不過通常季前都有個多月正式操練,加埋各隊周圍去踢友賽,眾主力點都會有七、八成狀態;如今因疫情關係,各隊準備嚴重不足,只求為今季埋尾,缺態一環嘅不利因素互相抵銷,加埋閉門踢冇晒主場威力,咁就必先鬥大軍實力同決心。德甲已復賽一個月,西甲剛重開,其中德甲至今打咗55場聯賽,客勝佔28場,勝率剛逾半,主勝慘淡僅得兩成;加上頂級強隊拜仁、多蒙特,西甲巴塞同皇馬復賽表現對辦,預期英超走勢會相若,強弱分明,弱隊難靠主場爆冷。

英超前列幾隊力爭歐聯席位,當中最要留意車仔同曼聯,喺1場可換5人下,本季一直重用大量新人嘅車仔,調動能力極足,精兵不只16人;曼聯停擺前已冒勇,加埋保羅普巴同拉舒福特傷愈復出,如虎添翼。紅軍封王已無懸念,前4或前5之爭如上提,估計亦唔算太激烈;反而下游會打崩頭,喺冇咗主場優勢下,加埋隊長迪尼無心戀戰,屈福特可能最危。

Ranking
See All
See All
See All
See All

隱私權保護政策

請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多