今晚西甲有場獨腳戲，由馬拉加主場迎戰拉斯彭馬斯。馬拉加近況不濟，聯賽加盃賽連續11場未贏過(4和7負)，暫列下游，若不再積極搶分，恐怕好快會捲入降班漩渦。佢哋今季作客仍未開齋，至今5勝全部來自主場，勝出率有50%，但隊中仍有唔少傷兵，主要來自中場同後防。拉斯彭馬斯繼作客0比1不敵CF格蘭納達後，上仗主場亦以0比1敗於西維爾腳下，連輸兩場排第12位。佢哋今季主場相當硬淨，但作客就認真差勁，取得1勝2和7負。對賽方面，拉斯彭馬斯近6次到訪馬拉加，錄得1和4負明顯輸蝕。馬拉加往績贏晒，主場亦有一定戰鬥力，加上為免捲入降班漩渦，今場一定搏到盡，預料可小勝對手。