張仁良獲頒法國榮譽動章

同法國淵源甚深嘅香港教育大學校長張仁良，日前去咗法國領事官邸，獲法國駐港澳總領事栢海川(Eric Berti)頒授棕櫚教育軍官榮譽勳章，以表揚他對高教界的貢獻。

相信大家都知，張教授的太太係法國人，教授就係30幾年前，即八十年代於法國留學時，與妻子結緣。佢話當年獲得法國政府獎學金到當地留學，呢段日子係佢人生嘅蒙啟時期，為佢嘅思想帶來不少影響，至今仍深存感恩。1985年，張教授取得法國巴黎第六大學的統計學博士學位，妻子與他婚後一直居港。

講番個勳章的來頭，係法國史上最悠久的非軍事榮譽勳章，於1808年由國王拿破崙一世設立，初時頒予法國教育界的傑出人物。到1866年拿破崙三世在位期間，所有對法國教育有貢獻人士亦可獲頒該勳章。至1955年，勳章被納入法國認可勳銜制度，並分為騎士、軍官及司令三級。