今次仲唔比我捉到正(上)

妹：阿哥，新請返嚟嘅工人，睇極都唔順眼，成日沉默寡言，愁眉苦臉……

哥：唉！算吧啦……最緊要阿爸鍾意，照顧到佢。咁我哋返工、去街都去得放心，咁咪得囉！

妹：我成日疑神疑鬼，覺得佢手腳唔乾淨……阿爸又懵下懵下，我最怕……

哥：最怕咩嘢？怕佢偷懶？

妹：偷懶又唔怕！最怕佢偷錢啫！

哥：咁妳咪鎖好啲財物囉！講真：屋企又無乜貴重嘢好偷嘅……咁啦！啲閉路電視咁普及，我幫妳裝返一支，等妳買個安心啦，好唔好？

妹：唔喺幫「我」裝，間屋大家都有份，喺幫「大家」裝。

(阿哥不消兩天就把鏡頭裝妥，好快又過咗一星期)

妹：(手機) 阿哥！我喺公司，從鏡頭望到，姐姐關咗雜物房門，人又唔見蹤影！最弊阿爸……

哥：阿爸做緊乜？

妹：最弊就連阿爸都唔見蹤影！唔通……

哥：妳唔喺吩咐過：日頭唔俾關房門咩？

妹：咪係囉！呢嗰姐姐，真喺令我激氣！好！等我馬上返屋企，剎佢一個措手不及先！

(阿妹不需1小時就返到屋企)

妹：阿哥，又喺我呀！返咗屋企啦……終於水落石出晒！

哥：點呀？人贓並獲呀？

妹：唔喺呀！估錯晒！原來阿爸跟隔離屋黃生黃太落咗公園……

哥：咁工人姐姐關埋房門又點解釋？

妹：工人姐姐知通我哋啲衫趕住著，關埋房門開咗抽濕機乾衫，自己就坐咗喺廚房，睇住煲湯，原來今晚佢煲咗我哋最鍾意飲嘅「菜乾豬肺湯」……

哥：啊！小人之心，度君子之腹。呢煲湯認真「頂住你嗰肺」喎！

【EC生活微積Fun】

周朗感謝各位讀者支持，衝過1300日……特意加推《生活微積Fun》，這是在「職場」和「教育」之外，希望為大家增潤一點素材，一齊「微」觀下在「生活」中「積」極的「Fun」(樂趣) 。