Ad Block Ad Block
生活
2022-12-09 04:28:56
日報

英國聖誕超市 平都有好嘢!

分享:

眾多節日中,英國人最重視聖誕節,所以即使現在百物騰貴,英國通脹率創41年新高,但聖誕節總要過,未踏入12月,各大超市一早已搶先引入各式各樣的聖誕貨品,市民也開始物色聖誕裝飾及禮物。往年,筆者通常只留意馬莎M&S的精緻聖誕限量酒及禮盒,不過今年意外發現,原來向來走平價親民路線的Lidl及Poundland都滿有驚喜,平嘢都可以有好嘢,叫人買得爽又滿足!

還有不夠二十日就到聖誕節,走訪了四五間不同品牌、檔次的超市,基本上大多都有一幢幢吉百利、花街朱古力禮盒、各款minced pie、聖誕布甸和原粒合桃等。當中以Lidl的貨品最有驚喜,竟然有大大棵新鮮聖誕樹售賣,而且是歐洲最受歡迎的Nordmann Fir品種,其樹針具有厚蠟質塗層,堅韌不易落葉,特別「襟擺」,而且較少機會引起過敏症。高過囝囝一個頭多的大聖誕樹才£26.99(1.9至2.1米),細一個size的只£17.99,還有靚靚新鮮聖誕圈只用£6.99,真係開心價,聖誕圈通常用來掛在門口或屋內,一室有陣陣樹葉芳香。另外,有不少適合用來做聖誕禮物的選擇,有為小朋友而設的火車薑餅盒套裝,一大盒有得玩又有得食只£5.99!另有為大人而設的烈酒禮盒,一盒烈酒配上酒杯、蠟燭或糖果,男女口味都有。
 

Ad Block
英國聖誕超市 平都有好嘢! 英國聖誕超市 平都有好嘢! 英國聖誕超市 平都有好嘢! 英國聖誕超市 平都有好嘢!

除Lidl外,Poundland的聖誕貨品亦吸引,好容易無端端買多咗,有£1的朱古力advent calendar、£6的聖誕樹掛飾、£5白色聖誕鹿毛毛拖鞋,還有各式聖誕圖案冷衫、保暖冷襪、米妮睡衣等,真係好難忍手。而我最期待的,就是只有聖誕才出現的限量酒味忌廉,像Waitrose的特厚白蘭地香檳味、Sainsbury’s的特厚鹽味焦糖味,以及我最愛的Baileys特厚版,三者酒味濃香又香滑可口,用來配上Panettone及香蕉蛋糕食,都好味幾倍。而每年總有驚喜的馬莎M&S,就以Starry night的牛油餅乾禮盒最熱賣,它是旋轉音樂盒和星空投射器二合一,好友囡囡每晚要看過星空才肯睡覺呢!

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受