PSG歐聯出局。
我無串錯字，因為PSG真係可以rest in piece，一隊稍為唔順境就兵敗如山倒嘅球隊，如此破碎，確實是可以不再寄予厚望。
中東資金2011年入住巴黎，自此聖日門成為法甲的獨大班霸，天價收購，一心編排歐聯掄元。然而事與願違，先有當年在魯營被巴塞打出經典逆轉，本週又被皇馬反勝，PSG盡收天下兵器，但與球隊目標始終有距離。
也許平時在本土聯賽的考驗不足，PSG在歐聯稍有不順，連大好形勢也隨之而去，球員心理克服不到逆境，才是這支豪門的敗筆。但陣中球員粒粒皆星，身經百戰，應付不來也許不是因為球員個人問題，而是球隊文化出事。
其實拜仁在本土聯賽也沒有受到太大挑戰，雖然偶有失蹄，但實際上也沒有其他球隊動搖到其「屈機」地位。然而拜仁在歐聯則沒有如巴黎一般脆弱，論過去10年更是壓倒性比巴黎好。
球隊文化出問題，換教頭是遲早的事，普捷天奴應該都做唔長，據聞其家人一直身在倫敦，他也在等待機會重返英超，會不會是之前已經傳過的曼聯？大家只好靜靜等待。至於PSG，今季可以支離破碎咁踢埋剩餘比賽，抖足精神，睇睇係唔係會搵到人打救…應該除咗施丹，無乜人有咁嘅能力。
