愛華頓上仗喺主場2比1擊敗阿仙奴，結束5場不勝走勢，但實力上仍有待提升。據報「拖肥糖」打算以3,500萬英鎊賣巴克里去熱刺套現，再從曼聯打孖咁買入迪比同舒尼達連。1月轉會窗就到，紅魔有邊個真係會走呢？摩帥話只要球員表示踢得唔開心，而又有合適報價，和平分手又何妨；每個球員都有機會，而且可能係估唔到嘅，好似艾歷拜利同基斯史摩寧受傷，就令菲爾鐘斯搶回正選。轉會傳聞日日新鮮，但真真假假未到最後一刻官方公布，都唔敢確定。朗尼已經唔係必然正選，佢會唔會就係頭號被掛牌出售嘅球員呢？摩帥要賣走高薪隊長，應該都唔會賣俾其他英超球隊，又睇下可以賣去邊啦！
