NBA美國職業籃球係世上頂流籃球聯賽。但球隊擺爛，透過季內極差嘅成績故意輸波，提高抽中頂級新秀包括狀元嘅機率，重建球隊。原意希望公平唔想個game變成富豪俱樂部，但發展到今季接近三成參賽球隊，打足82場常規賽只有約三成或更低嘅勝率，又冇降班制，觀眾焗住長睇爛波，唔知有乜感受。真係要等有一日好似馬刺幾年前揀到狀元「斑馬哥」中大獎咁，等到今年發圍有機會攞總冠軍？
足球受歡迎程度普及全球，有啲用聯賽排名梯級制打淘汰賽爭霸似美職澳職；有啲好似比甲同蘇超咁，季尾再分爭霸組同護級組等等，但依然見季尾擺爛。西歐聯賽中游分子收入唔高，唔愁降班又唔想爭入歐協聯增加球會皮費；加上今年係世盃年，唔少國腳個心已早飛到北美，季尾戰意難測。只係英超不愧世上最激足球聯賽，每一格排名差距逾3千萬港元，去到呢刻亦冇肯定冠軍、歐洲賽排位同降班名單。阿仙奴終失落大熱地位，達Sir堅持現在先係全新英超Game On(遊戲開始)，廠迷都等咗22年，咁快投降？
ADVERTISEMENT
至抵會員價，名額有限，請火速訂位！
