劉丹、單立文、滕麗名、呂慧儀等，昨日出席《愛回家之秋意濃樂融融》發布會，慶祝劇集邁向1,500集。早前呂慧儀無故在街上暈倒，她說：「當日同個仔去街，我同其他媽咪行去架車到攞嘢，突然感覺黑黑哋，嚟唔切反應就暈倒，朋友睇到即時扶我。第二日仲可以返工，應該冇事，可以繼續拍到去2,000集，會保持鍛煉身體。」
呂慧儀之後有趁沒工開時入醫院檢查：「醫生話可能神經因素傳錯資訊，腦部同心臟冇事，胃部就有輕微發炎，都係一般人會有嘅小毛病，依家會同個仔一齊多做運動。最好笑我個仔去醫院探我，以為我去酒店staycation，要求留低陪我。」