RubberBand傾家蕩產搞音樂會

RubberBand前晚舉行《！》線上音樂會，聯同爵士大樂隊演繹新專輯《i》內多首歌曲，包括《漫長》、《First Date》及《每道微小》等，更邀請了樂壇新人謝雅兒，以及無伴奏合唱組合AMuiXis擔任表演嘉賓，RubberBand主音6號表示，音樂會本應定在去年底舉行，但想製作精益求精，及遇上疫情突然爆發，令音樂會一直順延，6號透露：「我哋有諗過放棄，不過《i》專輯同音樂會就好似雙生兒，我哋希望出碟時可以做到個show俾大家睇，所以今次傾家蕩產咁去做一次音樂會，係有少少任性，因為疫情我哋冇咗好多工作，以我哋唱片公司陣營嚟講，呢個投放嘅資源係好龐大。」有別於一般線上音樂會，RubberBand這次開騷除了樂隊4人，再加上Patrick Lui、13位管樂手、2位和音及1位敲擊樂手，這樣的陣容跟傳統音樂會的規模無異。