爆發疫情的鑽石公主號，再有乘客確診，感染人數持續上升，情況令人擔憂。森美父母現時仍在船上，今日他主持節目《早霸王》時，坦言擔心兩老情況。他在節目中表示父母為免接觸太多人而選擇留在房中，父親更悶到主動收拾房間。
他說︰「頭幾日我問得好仔細，之後就只係問佢哋悶唔悶，精唔精神。已經咁多日都冇病徵，就安心啲……但尋日見到確診個案中有70個係無病徵，分隔咗11、12日都有確診，一係有新感染但唔知佢傳播途徑，同埋可以潛伏咁耐，同埋美國返去嗰班機，確診嗰幾個都係冇病徵，個情況就令我開始擔心。」
他又指父母在船上收到的資訊很少，於是他把香港新聞轉載給父母看。他說︰「尋日真係開始擔心，情況唔太樂觀，因為可以潛伏咗十幾日，仲要冇病徵，如果前幾日確診嘅係兩、三日前感染，即係分開到都有途徑感染到，但我哋又估唔到。」提到父母的測試結果，他說預計兩天後有結果，希望最終會無事。