Ad Block Ad Block
娛樂
2022-09-22 17:42:00

前TVB綠葉吳博君患漸凍人症 靠患小兒麻痺太太照顧 擔心積蓄耗盡

分享:

前TVB綠葉吳博君患漸凍人症 靠患小兒麻痺太太照顧 擔心積蓄耗盡

早幾年嘅「冰桶挑戰」,唔少名人藝人都將一盤冷水照頭淋,等外界關注俗稱漸凍人症嘅「肌萎縮性脊髓側索硬化症」(ALS)呢種罕見疾病。熱潮過後,社會上對病者嘅支援又係點?

有關注殘疾人士團體日前召開記者會,促請政府為殘障者嘅家人提供經濟以至情緒上嘅支援。會上其中一位分享生活難處嘅照顧者,原來係前TVB綠葉演員博君(吳博君)嘅太太。

61歲嘅吳太患有先天性小兒麻痺症,加上多重眼疾,行動相當不便。4年前向來身體健康嘅博君,發現自己無法做到彎腰執起物件、刷牙等微細動作,更加失平衡跌倒,因此入院檢查,發現患上「漸凍人症」。醫生指博君情況會越來越差,機能日漸衰退,而博君病情的確每況愈下,近年只能長期卧床,只能進食流質食物,起居飲食由吳太全力打理。

前TVB綠葉吳博君患漸凍人症 靠患小兒麻痺太太照顧 擔心積蓄耗盡

吳太變成照顧者

基於身體狀況,吳太過去係由博君照料生活一切,但博君患病後,吳太變成照顧者。每日單係幫博君上床落床沖涼等活動,已經令身高5呎嘅吳太相當辛苦,3年前只好請外傭幫手照顧。但係吳太為好好照顧丈夫而辭工,加上請外傭等開銷,每月需要動用積蓄,令吳太倍感壓力,甚至要睇精神科。吳太直言試過崩潰到「撼頭埋牆」。

前TVB綠葉吳博君患漸凍人症 靠患小兒麻痺太太照顧 擔心積蓄耗盡

前TVB綠葉吳博君患漸凍人症 靠患小兒麻痺太太照顧 擔心積蓄耗盡

曾演《鹿鼎記》

66歲嘅博君喺TVB藝訓班畢業,同屆同學有廖啟智、湯鎮業同李成昌。博君參演過多套劇集,包括陳小春主演嘅《鹿鼎記》等。早幾年患病後嘅博君出席藝進同學會晚宴,透露因肌肉逐漸流失而令手腳乏力,要睇中醫治理,當時已直言開支唔少。而喺3年前一個演藝人協會嘅訪問,博君表示向協會求助後,得到本來冇咩交情嘅薛凱琪同張敬軒財政上支持,佢亦直言無悔做一個演員,因為佢愛上演戲。

前TVB綠葉吳博君患漸凍人症 靠患小兒麻痺太太照顧 擔心積蓄耗盡

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受