Dear Jane再奪組合金獎。
2023年度叱咤樂壇流行榜頒獎典禮(叱咤2023)今晚(1日)7時在亞洲國際博覽館ARENA舉行。大會頒發組合獎項時，率先宣布COLLAR奪銅獎，隊長Gao代表COLLAR致辭︰「完全諗過會上嚟拎呢個獎，多謝公司、合作過音樂人……所有支持我哋嘅fans，最後就係我哋會好好努力，做更多更好作品俾大家！」
Lolly Talk哭成淚人
Lolly Talk就奪得銀獎，多位成員激動得全身顫抖，阿Yo更哭了出來。阿妹震住致辭︰「2023年係好幸運一年，有唔同機會成就唔同夢想，希望一切只係一個開始，我想喺呢度講，我好愛你哋7位，我哋要繼續笑住、喊住俾人看見，希望我哋呢份勇氣，帶我哋去完成更加多夢想！我哋承諾新一年會做好自己！」
Jackal：多謝華納同事
Dear Jane則奪得金獎，Howie表示沒有想過已經出了十張唱片，「好似今晚咁，過完一月一日就一切歸零，要努力寫歌！」Jackal就表示很多人叫他假如上台拎獎，要多謝老婆，他笑謂會回家多謝，並稱他們很難流眼淚，反而華納唱片同事流的眼淚最多，很多謝同事把最好的留給他們。Nice就最搞笑，一邊講得獎感受，一邊被阿Tim趕去打鼓位置。
