何超儀、方皓玟、羅敏莊、鄧家杰(Kakit)、鄺旨呈(旨呈)、羅啟豪、黃洛妍等昨晚(30日)到理工大學出席「梅艷芳《再續‧緣份》管弦樂慈善音樂會」。何超儀獻唱了三首梅艷芳的歌獻,包括《赤的疑惑》、《夢伴》及《孤身走我路》,她透露老公陳子聰在美國做手術成功,所以今年的生日非常開心。
超儀稱老公在美國做了17小時的手術,現時可以不用尿袋,4個月之後便可以到美國關掉造口,「執埋少少手尾就得」。她稱陳子聰現時的健康不錯,在家中「UN UN腳」看電影,早前更一齊行超級市場,但絕不能舉重,醫生亦要他增肥些少。
超儀指Kakit有點像外國人
同場的Kakit 穿着紅色火焰套裝跳唱梅艷芳經典歌曲《似火探戈》和《烈焰紅唇》,他在後台跟超儀見面時,禮貌跟對方握手打招呼,超儀更指Kakit有點像外國人,怕羞的Ka Kit立即面紅,場面搞笑!
Kakit花時間為梅姐騷做準備
Kakit完騷接受訪問時表示:「雖然自己冇見過梅艷芳前輩,我出世嗰年就係她離開嗰年,屋企人都好鍾意梅姐,所以細個已經有聽佢嘅歌,我自己都有重溫好多佢嘅表演片段,每一個造型同埋表演都令我記憶猶新,絕對係我哋後輩嘅學習對象。」Kakit亦為今次梅艷芳紀念演唱會表演用了很多時間籌備。