郭富城今晚擔任壓軸表演嘉賓，並向無綫舞蹈組、同期同學致敬，他連唱三首快歌，令全場high爆。他邀請當年的舞蹈老師上台，同時亦邀請同期訓練班的同學及並肩的好夥伴，他們出場時亦大晒舞步，全場氣氛非常高漲。
城城跳完舞後，一身大汗。
城城說︰「希望大家用熱烈嘅掌聲俾今晚表演嘅Dancers，仲有我哋嘅排舞老師Sunny Wong。我記得自己係喺TVB舞蹈組成長嘅，一直見證住每一位舞者對舞蹈嘅堅持，一代一代嘅舞蹈傳承，成就咗今日喺舞台上嘅自己。我好感恩，有前輩去薪火相傳，但我哋特別要去敬重嘅，係當日我哋嘅訓練班嘅一班始創元老，當中有佢哋鍾浩老師，Eddie De Guzman同Thomas Sek老師。難忘嘅回憶當中有一班曾經同我同期，並肩作戰嘅好伙伴，佢哋包括李鴻杰、Joyce Lai、Sunny Wong、青峰等。代代傳承之下，舞台上出現一代又一代嘅青年舞者。」
城城邀請鍾浩老師發言，對方謂︰「希望TVB能夠繼續成為香港舞蹈嘅人才嘅育樓，將我哋嘅精神一代代傳承落去。」城城說︰「應唔止堅持，而係堅守每一位留喺台上嘅舞者，TVB happy birthday！」
鍾浩是城城在舞蹈班的跳舞老師。
